بعد غيبه طويله جاي تحكيلي عن الأشواق
بعد ما جفف غيابك غصونى وطاحت أوراقي
بعد ما صرت أنا صفحه حزينه بدفتر العشاق
حزينه تحكي عن صمت الدموع وجرح خفاقي
تركت الروح فى غربه وتناهيد وأسى وفراق
وأنا اللى كنت متصور مماتك ليلة فراقي
تصدق كنت محتاجك تناديلى وأجى مشتاق
أجي كلى حزن وأنزف لعينك غربة أحداقي
وجيت بقمة أحزاني تبينا نقلب الاوراق
تبينا نرجـّـع الماضي وتشتت صبرى الباقي
أنا ما يحتمل صبرى معاتب والضلوع رقاق
تكـّـسر لو بسولفلك وحديث يدور بأعماقي
دخيلك خلني ساكت بعض الكلمات ما تنطاق
تجي مثل الخناجر فى لساني وتجرح رياقي
وبعد هذا الشقا كله تبينى لــرجعتك أشتاق
حسافه .. جيت متأخر بعد ما مــــــاتت أشواقــ-ـ-ــ-ــي